UNEC-in Biznes və menecment fakültəsinin professor-müəllim heyəti və tələbələri İnnoland-inkubasiya və akselerasiya mərkəzində olublar.
Fakültə dekanı, dosent Mirağa Əhmədov mərkəzin rəhbərliyi və əməkdaşlarına UNEC-də fəaliyyət göstərən İnnovativ Biznes İnkubator barədə məlumat verib. UNEC-lə İnnoland-inkubasiya və akselerasiya mərkəzi arasındakı əməkdaşlığın hər iki tərəf üçün əhəmiyyətli olacağını bildirərək, tədqiqatçı tələbələrin startap layihələrinin mərkəzdə reallaşdırılması imkanları barədə fikir mübadiləsi aparıb.
Next STEP-innovasiya mərkəzinin direktoru Rəşad Eyvazov mərkəz haqqında və eləcədə “Next Sale-digital marketing platforması”, “Finmarket.az – skorinq sistemi”, “İrs Cizği- animasiya startapı”, “Tech academy-proqramlaşdırma düşərgəsi”, “Vriendly - VR təhsil sistemi” startapları barədə məlumat verib. R.Eyvazov mərkəz tərəfindən Tech academy-proqramlaşdırma düşərgəsi layihə çərçivəsində UNEC tələbələrinə süni intellekt proqramlaşdırılması ilə bağlı mühazirə oxumağı və eləcə də “Vriendly-VR təhsil sistemi” startapının pilot layihə kimi UNEC-də tətbiq olunmasını təklif edib.
Görüş müzakirələrlə davam edib, tələbələri maraqlandıran suallar cavablandırılıb.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
