UNEC Tələbə Elmi Cəmiyyətinin hesabat seçki konfransı keçirilib.
Konfransda tələbələrlə iş üzrə prorektor, dosent Səadət Qəndilova TEC-in 2018/2019-cu tədris ilindəki ictimai fəaliyyətindən bəhs edib. Bu müddət ərzində UNEC-də tələbələrin elmi fəaliyyətinin daha da yüksəldiyini, tələbələr arasında maraqlı layihələrin həyata keçirildiyini diqqətə çatdırıb.
TEC-in elmi rəhbəri, dosent Emin Qəribli Scopus indeksli jurnallarda tələbələrin məqalələrinin dərc olumasının vacibliyindən danışıb, TEC-in tərkibində fəaliyyət göstərən dərnəklərin elmi tədqiqat istiqamətində tələbələrin müəllim heyəti ilə çevik inteqrasiyasında mühüm rolundan bəhs edib.
Daha sonra TEC sədri Nərmin Heydərova 2018/2019-cu tədris ili üçün hesabatını səsləndirib, hesabat videoçarxı nümayiş olunub.
Konfransda 2019/2020-ci tədris ili üçün TEC sədri vəzifəsinə namizəd olan Cavidan Adilzadə, Ramiz Şükürov və Zəka Əhmədlinin platformaları dinlənilib.
Namizədlərin çıxışından sonra qapalı səsvermə keçirilib. Böyük səs çoxluğu ilə İqtisadiyyat fakültəsinin 3-cü kurs tələbəsi Ramiz Şükürov UNEC TEC-nin yeni sədri seçilib.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
