ABŞ-ın Kaliforniya ştatında yerləşən San Fransisko Şəhər kollecinin (City College of San Francisco) tələbəsi Tural Paşayev Silikon Vadisindən canlı bağlantı ilə UNEC-in SABAH Qruplarının dərsinə qoşulub.
UNEC-in Karyera Mərkəzinin təşkilatçılığı ilə yaradılan canlı bağlantıda T.Paşayev ABŞ-da təhsil və karyera imkanları barədə təcrübəsini paylaşıb. Tələbələrə nüfuzlu şirkətlərdə karyera imkanları, təhsil sisteminin yaratdığı fürsətlər, uğur qazanmaq üçün əlaqələrin daha da genişləndirilməsi istiqamətində məlumatlar verib.
