Martın 15-də “Qonaq Elmi İşçilərin Mübadilə Proqramı” çərşivəsində Azərbaycana səfərə gələn “Global South Development Magazine” nəşrinin xüsusi numayəndəsi Hriday Sarma UNEC-də olub.
UNEC nəzdində İqtisadi Araşdırmalar Elmi-Tədqiqat İnstitutunun (İAETİ) direktoru, professor Yadulla Həsənli ilə görüşdə Hindistan və Azərbaycan arasında ticarət əlaqələrinin genişləndirilməsi məsələlərinin tədqiqatı ətrafında müzakirələr aparılıb, əməkdaşlığın əhəmiyyəti qeyd edilib.
H.Sarmanın beynəlxalq səviyyədə apardığı tədqiqat işinə dəstək məqsədini daşıyan görüşdə İAETİ-nin böyük elmi işçisi, dosent Elman İbişov ““Şimal-Cənub” beynəlxalq nəqliyyat dəhlizi və Azərbaycanın iqtisadi gözləntiləri” mövzusunda təqdimatıla çıxış edib. İAETİ-nin direktor müavini, professor Rövşən Quliyevin də qatıldığı görüşdə qarşılıqlı maraq doğuran məsələlər ətrafında fikir mübadiləsi aparılıb. Mümkün layihə çərçivəsində əməkdaşlıq məsələləri nəzərdən keçirilib.
![UNEC-də Zəfər Gününə həsr olunan tədbir: "Salam, xarı bülbül"](/images/XDD_zg_051124.gif "UNEC-də Zəfər Gününə həsr olunan tədbir: "Salam, xarı bülbül"")
