Türkiyənin Ankara Universitetinin Mühəndislik fakültəsinin dekanı, professor Aziz Tekin, TİKA Bakı proqram koordinatoru Adem Urfa, TİKA Bakı proqram koordinatorunun müavini Ersin Çopur və TİKA Bakı ofisinin əməkdaşı Abbas Hümmətov UNEC-də olublar.
Qonaqlar UNEC-in Texnologiya və dizayn fakültəsinin dekanı, professor Vəkil Hüseynov, Əmtəəşünaslıq fakültəsinin dekanı, dosent Tofiq Osmanov və “Qida məhsullarının texnologiyası” kafedrasının müdiri Mehriban Məhərrəmova ilə görüşüblər. Görüşdə UNEC-də qida laboratoriyasının qurulması müzakirə edilib. Bu sahədə qardaş ölkənin təcrübəsindən faydalanmağın önəmi vurğulanıb. “Qida məhsulları texnologiyası” və “İstehlak mallarının ekspertizası” kafedralarının professor-müəllim heyətinin də qatıldığı görüşdə qonaqlar UNEC-də tədris olunan fənn proqramları, metodik göstərişlər, dərslik və aparılan tədqiqatlarla tanış olublar.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
