Tbilisi Dövlət Universiteti Beynəlxalq İqtisadiyyat Məktəbinin (İSET) direktoru Tamar Sulukhia UNEC-də olub.
UNEC-in Beynəlxalq İqtisadiyyat Məktəbinin (İSE) direktoru Aqil Əzizovla görüşən T.Sulukhia hər iki universitet arasında ikitərəfli əməkdaşlığın genişləndirilməsi, qarşılıqlı professor-müəllim və tələbə mübadiləsinin həyata keçirilməsi, birgə elmi konfransların təşkili istiqamətində fikir mübadiləsi aparılıb. Tamar Sulukhia İSET-in magistratura proqramları haqqında da məlumat verib.
Sonra İSE-nin direktoru Aqil Əzizovla İSET direktoru Tamar Sulukhia arasında Anlaşma Memorandumu imzalanıb. Memoranduma əsasən, hər iki universitet arasında tələbə və magistr mübadiləsi, birgə tədqiqat işlərinin aparılması, konfrans və seminarların təşkili, o cümlədən distant təlimlərin aparılması nəzərdə tutulub.
![Bank Respublika "Smart Banking" 2 təcrübə proqramı elan edir](/images/BR_tp_261124.gif "Bank Respublika "Smart Banking" 2 təcrübə proqramı elan edir")
