UNEC-in Tələbə İşləri Mərkəzinin Bir Pəncərə şöbəsinin baş mütəxəssisi Nuriyyə Qarayevanın universitetdə tətbiq edilən “Bir Pəncərə” sistemi barədə empirik araşdırması Macarıstanın nüfuzlu Dunaujvarus Universitetinin "Dunakavics" jurnalının 12-ci sayında dərc olunub.
Nuriyyə Qarayeva nəzəri-empirik çəhətdən tədqiq etdiyi “Ali Təhsildə “Bir Pəncərə” xidmətinin rolu və konseptual əsası: UNEC nümunəsi” adlı elmi məqalədə rəqəmsal transformasiyalar şəraitində ali məktəb tələbələri üçün "Bir Pəncərə" sistemini UNEC nümunəsində və dinamik göstəricilər əsasında təhlil edib.
Xatırladaq ki, tələbə məmnunluğunu təmin etmək məqsədilə 2019-cu ildən UNEC-də “Bir Pəncərə” sistemi fəaliyyətə başlayıb. Tələbələr şəxsi kabinetlərindən “Bir Pəncərə” sisteminə müraciət edərək, tələb olunan istənilən təhsil sənədini ən qısa müddətdə əldə edə bilirlər. Sistemə həftənin 7 günü 24 saat müraciət etmək mümkündür. Hazırlanmış sənəd QR kodla təsdiq olunur və PDF formatında tələbənin şəxsi kabinetinə göndərilir. Arayışlar tələbələrin istəyindən asılı olaraq, azərbaycan dili ilə yanaşı, ingilis dilində də verilir.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
