Azərbaycan Dövlət İqtisad Universitetinin (UNEC) Quba Tədris, İdman və İstirahət Kompleksində gənc müəllimlərin növbəti təlimləri interaktiv təlim metodları barədə olub.
Tədris zamanı tələbələrin qrup oyunları, simulyasiya taktikaları, problem əsaslı təlim texnikaları barədə məlumat çatdırılıb. Növbəti gün üçün iştirakçılara komanda tapşırıqları verilib.
Daha sonra ötən gün verilən tapşırıqlar üzrə komandalar çıxış edib. Tapşırıq: UNEC-in interaktivlik və texnologiya üzrə SWOT analizini hazırlamaq olub.
Dərs saatları bitdikdən sonra müəllimlər arasında futbol və voleybol yarışları keçirilib.
