Azərbaycan Dövlət İqtisad Universitetinin (UNEC) Tələbə Həmkarlar İttifaqı Komitəsi (THİK) və UNEC Dizayn məktəbinin birgə təşkilatçılığı ilə 8 Noyabr-Zəfər Gününə həsr olunan rəsm müsabiqəsi keçirilib.
Müsabiqədə UNEC Dizayn məktəbi, Rəqəmsal iqtisadiyyat və Mühəndislik fakültələrinin tələbələrinin hazırladığı 30 rəsm əsəri nümayiş olunub.
Münsiflər heyətinin qərarına əsasən I, II və III yerlər üzrə qaliblər müəyyən olunub. UNEC Dizayn məktəbi tələbələri Zümrüd Əzimova və Şəhanə Abbasova I yerin qalibi olublar. II yerə Kamal Nuriyev, Zəhra İsmayılova, Ayan Nəcəfova və Əminə Mehdili, III yerə isə Rəna Eynalova, Arzu Fərzullayeva, Aydan Süleymanova, Aynur Əfəndiyeva və Dürdanə Osmanova layiq görülüblər.
Qaliblərə diplom və hədiyyələr, digər iştirakçılara isə sertifikatlar təqdim olunub.
