Azərbaycan Respublikası Prezidentinin “Milli iqtisadiyyat və iqtisadiyyatın əsas sektorları üzrə strateji yol xəritələrinin təsdiq edilməsi haqqında” Fərmanının icrasını təmin etmək məqsədilə Təhsil Nazirliyində müvafiq Strateji Plan təsdiq edilib. Sənədin icrası məqsədilə Azərbaycan Dövlət İqtisad Universitetində “Milli iqtisadiyyatın əsas sektorları üzrə strateji yol xəritələrində nəzərdə tutulmuş tədbirlərin icrası ilə bağlı UNEC-in Strateji Planı (2017-2020-ci illər üçün)” təsdiqlənib.
Strateji Planda nəzərədə tutulan tədbirlər çərçivəsində UNEC-də “Startaplar üçün layihələrin hazırlanması və maliyyə vəsaitlərinin cəlb edilməsi” (fundraising) mövzusunda təlim keçirilib. Təlim İqtisadi Resursların İctimai Birliyinin sədri Ruslan Atakişiyev və İqtisadi Araşdırmalar və Tədris Mərkəzinin vitse-prezidenti Radil Fətullayev tərəfindən həyata keçirilib. Təlimdə layihələrin hazırlanması və donor təşkilatlardan maliyyə vəsaitlərinin cəlb edilməsindən bəhs edilib. İştirakçılara öz bizneslərini inkişaf etdirməkdə donor təşkilatların rolu və real layihə nümunəsinin necə hazırlanması haqqında geniş məlumat verilib.
Təlimin sonunda iştirakçıları maraqlandıran suallar cavablandırılıb. Təlimdə startaplarla yanaşı öz bizneslərinə başlamağı planlaşdıran tələbə və magistrlər iştirak edib. Tədbir Karyera Mərkəzi və İnnovativ Biznes İnkubatorun birgə təşkilatçılığı ilə həyata keçirilib.
![UNEC kitabxanasında yeni kitab: "Ali Makroiqtisadiyyat"](/images/IMG_6040.jpeg "UNEC kitabxanasında yeni kitab: "Ali Makroiqtisadiyyat"")
