Tələbələrin nəzərinə!

Azərbaycan Universiteti "Yaşıl dünya naminə həmrəylik ili" çərçivəsində QARABAĞIN DİRÇƏLİŞİ-EKO LAYİHƏLƏR mövzusunda ən yaxşı tələbə elmi işi müsabiqəsi elan edir.

Müsabiqə aşağıdakı istiqamətlər üzrə həyata keçirilir:

Alternativ və bərpa olunan enerji və onun saxlanması
Enerjiyə qənaət idarəetmə və effektivlik
Enerji menecmenti,nəqliyyatda enerjiyə qənaət, adi və alternativ yanacaq növləri
Enerji, elm, texnika və cəmiyyət
Dayanıqlı enerji sistemləri və intellektual şəbəkələr
Arxitekror dizayner layihələri
Hərbi əməliyyatlar nəticəsində çirklənmiş ərazilərin təmizlənməsi və kənd təsərrüfatı üçün yararlı hala salınması

Müsabiqə iki mərhələdə keçiriləcək.

I mərhələ(qiyabi): 3 may 2024 - 15 may 2024

ll mərhələ(əyani): 17 may 2024 - 30 may 2024

Qaliblərə diplomlar, hədiyyələr və pul mükafatı təqdim ediləcək.

l yer-1000 manat
ll yer-800 manat
lll yer-600 manat

Müsabiqədə iştirak etmək istəyənlər 30 aprel 2024-cü il tarixinə qədər öz işlərini doldurulmuş ərizə forması ilə birlikdə Bu email ünvanı spambotlardan qorunur. Onu görmək üçün JavaScripti qoşmaq lazımdır. ünvanına göndərə bilərlər.

İşin hazırlanması və strukturu

Müsabiqəyə təqdim olunacaq iş Azərbaycan dilində (müstəsna hallarda rus dilində) olmalıdır, titul vərəqi, mündəricat, giriş, əsas hissə, nəticələr və istifadə olunmuş ədəbiyyat siyahısından ibarət olmalıdır. İşin həcmi A4 formatında 12 səhifədən 30 səhifəyə qədər ola bilər. Titul vərəqində iştirakçının adı, soyadı, atasının adı, təhsil müəssisəsi, seçilmiş istiqamət, işin adı, rəhbər haqqında məlumat (adı, soyadı, atasının adı, elmi dərəcəsi, elmi adı) yazılmalıdır. Mündəricat səhifələr qeyd edilməklə əsas bölmələri və başlıqları əks etdirməlidir. Giriş hissəsində seçilmiş mövzunun aktuallığı, məqsədi əsaslandırılmalı, obyekti formalaşdırımalı və tədqiqat metodu göstərilməlidir. Əsas hissə seçilmiş istiqaməti və işin mövzusunu tam açmalı, eləcə də alınmış nəticələri əks etditməlidir. Nəticə hissəsində müəllifin apardığı tədqiqat nəticəsində əsas aldığı nəticələr və tövsiyyələr yer almalıdır.