UNEC Ömürboyu Təhsil Mərkəzi tərəfindən MÜSİAD-in partnyor şirkətlərinin rəhbərlərinə “İdarəetmə psixologiyası” mövzusunda seminar keçirilib.
Təlimçi qismində UNEC Ömürboyu Təhsil Mərkəzinin təlimçisi, klinik psixoloq, psixoterapevt, montessori-terapevt, psixoanalitik-biznes consultant Bəyim Babayeva dəvət edilib. Təlimin məqsədi iştirakçılara idarəetmə psixologiyasının elmi əsaslarını və psixoanaliz metodlarını təqdim edərək, onların liderlik, qərar qəbuletmə və təşkilati münasibətləri anlama bacarıqlarını inkişaf etdirməkdir.
Təlimçi Bəyim Babayeva idarəetmə psixologiyasının əsasları haqında məlumat verib, psixoanalitik yanaşmanın liderlik və təşkilati münasibətlərdə tətbiqindən danışıb. B.Bababyeva şüuraltı mexanizmlərin idarəetmədə rolundan bəhs edib, effektiv liderlik və motivasiya üsulları haqqında ətraflı məlumat verib. Həmçinin o konfliktlərin idarə edilməsi, emosional intellect, stress, qərar qəbuletmə proseslərinin psixoloji analizi mövzularında da çıxış edib.
![UNEC-də "Karyera Planlaması" adlı ilk dərslik nəşr olunub](/images/kitab_teqdimat_310125.gif "UNEC-də "Karyera Planlaması" adlı ilk dərslik nəşr olunub")
