Azərbaycan Texniki Universitetinin (ATU) nümayəndələri UNEC-də olublar.
UNEC-in 24/7 kitabxana modeli ilə tanış olmaq məqsədilə universitetdə olan nümayəndə heyətinə kitabxanın fəaliyyəti, iş rejimi, yeniliklər və tətbiq olunan müasir metodlar barədə ətraflı məlumat verilib.
ATU-nun Əsaslı kitabxanasının əməkdaşları, Gənclərin virtual idarəetmə və inkişaf mərkəzinin direktoru və Ağsaqqallar Şurasının üzvlərindən ibarət nümayəndə heyəti UNEC Kitabxana informasiya mərkəzinin 24/7 Kitabxanası, Əsaslı kitabxana və 1 saylı tədris binasının Oxu zalı ilə tanış olublar.