UNEC-in Ümumi Fənlərin Tədrisinin Təşkili Departamentinin (ÜFTTD) nəzdində fəaliyyət göstərən Tələbə Elmi Cəmiyyətinin təşkilatçılığı ilə Ulu öndər Heydər Əliyevin anım günü ilə əlaqədar "Sən elə bir zirvəsən" adlı məqalə müsabiqəsi keçirilib.
20 nəfər tələbənin qatıldığı müsabiqənin məqsədi Heydər Əliyev irsinin öyrənilməsi, araşdırılması və gənclər arasında təbliğ edilməsi olub.
Müsabiqənin şərtlərinə əsasən departamentin direktoru dos.Gülnarə Rzayeva, “Azərbaycan dili” kafedrasının müdiri prof. Tofiq Əbdülhəsənli, “Karyera planlaşdırılması və inkişafı” kafedrasının müdiri Rəşad Məhərrəmov və dosentlər Aybəniz Hüseynova, Günal Səfərli, Vəfa Allahverdiyeva, Gülbəniz İsmayılzadə, Validə Əliyeva , Gülnarə Zeynalova , baş m.Samirə Əhmədova , Aysel Qaragözovadan ibarət olan münsiflər heyəti tərəfindən məqalələr yoxlanılıb və qaliblər müəyyən edilib.
Münsiflər heyətinin qərarı ilə 1-ci yerə Türk Dünyası İqtisad (TUDİFAK) fakültəsinin tələbəsi Ləman Məmmədova, 2-ci yerə Beynəlxalq İqtisadiyyat Məktəbinin (İSE) tələbəsi Hüseyn Əsgərov, 3-cü yerə isə Maliyyə və mühasibatlıq fakültəsinin tələbələri Nuranə Alışlı və Elcan Əsgərzadə layiq görülüb.
Qeyd edək ki, qalib olan tələbələrin məqalələri respublikanın elmi jurnallarında dərc olunacaq.
Sonda bütün iştirakçılara sertifkatlar təqdim olunub.
![UNEC-də "Sən elə bir zirvəsən" adlı məqalə müsabiqəsi keçirilib](/images/musabiqe_131224.gif "UNEC-də "Sən elə bir zirvəsən" adlı məqalə müsabiqəsi keçirilib")
