Azərbaycan Dövlət İqtisad Universitetinin Mühəndislik fakültəsinin Qida mühəndisliyi ixtisasının tələbələri 20 Yanvar faciəsinin 35-ci ildönümü ilə bağlı UNEC Muzeyini ziyarət ediblər.
Tələbələr muzeydə yaradılmış sərgi-guşədə 20 Yanvar faciəsinə həsr edilmiş kitablar, mətbu nəşrlər, o cümlədən hadisəni əks etdirən fotolarla tanış olublar. Həmçinin 20 Yanvar hadisələrindən bəhs edən videoçarxı izləyiblər.
Ziyarət zamanı muzey əməkdaşları tələbələrə 20 yanvar hadisələrinin Azərbaycan xalqının azadlıq və müstəqillik uğrunda mübarizəsinin simvoluna çevrildiyini qeyd ediblər.
Tələbələrə muzeydə nümayiş olunan foto-şəkillər, sənədlər, çap materialları, universitetin mükafatları, universitetə və muzeyə təqdim olunan hədiyyələr, eksponatlarla bağlı ətraflı məlumat verilib.
![Prezident təqaüdçüsü imtahan təcrübəsindən DANIŞDI: "İkinci şans həmişə var"](/images/RIF_telebe_140125.gif "Prezident təqaüdçüsü imtahan təcrübəsindən DANIŞDI: "İkinci şans həmişə var"")
