Azərbaycan Dövlət İqtisad Universitetinin (UNEC) Texnologiya və dizayn fakültəsinin tələbələri Ukraynada keçirilən XIV Beynəlxalq “KPI-OPEN” Olimpiadaya qatılıblar.
UNEC-in “Rəqəmsal iqtisadiyyat və İKT” kafedrasının müəllimi Ramal Cabbarovun rəhbərliyi ilə İnformasiya texnologiyaları ixtisası üzrə təhsil alan I kurs tələbələri - İbrahimzadə Murad, Mikayılov Seymur və Bəşirov Əli beynəlxalq olimpiadada “UNECIT”komandası adı ilə təmsil olunublar. Müsabiqənin sonunda “UNECIT” komandasına və komandanın rəhbərinə müsabiqədə fəal iştiraklarına görə sertifikat təqdim olunub.
Qeyd edək ki, UNEC-in komandası İ.Sikorskiy adına Kiyev Politexnik İnstitutunda təşkil olunan müsabiqəyə Gürcüstanın Tbilisi şəhərində yerləşən Avropa Universitetinin bazasında keçirilən “XIII Vekua Kuboku Beynəlxalq Proqramlaşdırma” müsabiqəsində dəfərqləndiyinə görə dəvət olunublar.
