UNEC-də Azərbaycan Dövlət İqtisadiyyat Nazirliyi yanında Dövlət Vergi Xidmətinin nümayəndələri ilə görüş keçirilib.
Görüşdə tədris üzrə prorektor dosent Gəray Musayev, Karyera Mərkəzinin direktoru Sənan Həsənov, Vergi Xidmətinin məsul şəxsləri Elməddin Süleymanov, Leyla Babayeva, Şəhla Səfərova, Şahzadə Mədətova iştirak ediblər.
Görüş zamanı UNEC tələbələrinin Dövlət Vergi Xidmətində təcrübəsinin, eləcə də Yay məktəbinin təşkili imkanları, birgə layihələrin hazırlanması və digər istiqamətlərdə əməkdaşlıq müzakirə olunub.
