UNEC-də İqtisadi Araşdırmalar Elmi Tədqiqat İnstitutunun (İAETİ) təşkilatçılığı ilə “Yaşıl biznes”ə həsr olunan dəyirmi masa keçirilib.
Tədbiri giriş sözü ilə açan İAETİ-nun direktoru prof. Yadulla Həsənli müasir dövrdə yaşıl iqtisadiyyata keçidin aktuallığı və bu keçidin biznes üçün yaratdığı imkanlar barədə qısa məlumat verib.
Sonra institutun elmi katibi Rafail Rzayev “Yaşıl biznesin təşkili üzrə tövsiyələr” mövzusunda təqdimatla çıxış edib.
Təqdimatdan sonra mövzu ətrafında müzakirələr aparılıb.
