UNEC-in Texnologiya Transfer Mərkəzinin direktoru, dosent Aydın Hüseynov Tunisdə keçirilən “Davamlı İnkişaf naminə Elm, Texnologiya və İnnovasiyanın Kommersiyalaşdırılmasında Əqli Mülkiyyət” mövzusuna həsr olunan beynəlxalq konfransda iştirak edib.
Konfrans İslam İnkişaf Bankının Müdirlər Şurasının 43-cü İllik Toplantısı çərçivəsində keçirilib. Konfransın məqsədi İİB-yə üzv ölkələrin davamlı inkişafı üçün elm, texnologiya və innovasiyaların kommersiyalaşdırılmasını tədqiq etmək və inkişaf edən ölkələrdə innovasiyaların qorunması, əqli mülkiyyət imkanlarının iqtisadi və sosial əhəmiyyətinin dərk edilməsi olub. Dünyanın 16 ölkəsinin Texnologiya Transferi ofisinin nümayəndəsinin qatıldığı konfransda texnologiya transfer sahəsində təcrübə və uğur hekayələrini bölüşmək məqsədilə əməkdaşlıq üçün vahid platformanın yaradılmasının yeni imkanları araşdırılıb.
Qeyd edək ki, UNEC-in Texnologiya Transfer Mərkəzi Azərbaycanda bu sahədə fəaliyyət göstərən yeganə mərkəzdir.
