UNEC-in Mühəndislik fakültəsində “20 yanvar faciəsi xalqımızın tarixində azadlıq mübarizəsidir” mövzusunda ictimai mühazirə keçirilib.
Fakültənin dekanı vəzifəsini icra edən dosen Elçin Səmədov tədbiri açaraq, 31 il bundan əvvəl – 19 yanvar 1990-cı il tarixdə axşam saatlarından başlayaraq, Sovet ordusunun xüsusi təyinatlı bölmələri və daxili qoşunları tərəfindən Azərbaycan xalqının azadlıq və müstəqillik ideyalarına qarşı yönəldilmiş hərbi cinayətdən söz açdı. Bunun insanlığa qarşı törədilmiş ən ağır cinayətlərdən biri kimi tarixdə qalacağını vurğulayan E.Səmədov, qanlı yanvar hadisələrinin müasir Azərbaycanın azadlığı və müstəqilliyinə doğru gedən yolun başlanğıcı olduğunu deyib.
20 yanvar hadisələrinin milli iradəmizin zəfər çaldığı gün kimi xalqımızın tarixində yazıldığını bildirən Humanitar fənlər kafedrasının professoru Abbas Seyidov həmin hadisələrə ilk olaraq ümummilli lider Heydər Əliyevin güclü siyasi iradəsi nəticəsində hüquqi qiymət verildiyini vurğulayıb.
Humanitar fənlər kafedrasının müdiri prof. Vəkil Həsənov, Mühəndislik və tətbiqi elmlər kafedrasının müdiri prof. Rövnəq Rzayev, dosent Tofiq Osmanov və başqaları baş verən hadisələrlə bağlı öz xatirələrini bölüşüblər, 20 yanvar hadisələrinin Azərbaycan xalqının mərdliyinin və milli iradəsinin bariz nümunəsi olduğunu, məğrur xalqımızın ən çətin sınaqlardan üzüağ çıxdığını sübut etdiyini tədbir iştirakçılarının nəzərinə çatdırdılar.
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
