Azərbaycan Dövlət İqtisad Universitetində (UNEC) ümummilli lider Heydər Əliyevin anadan olmasının 98-ci ildönümünə həsr edilən silsilə tədbirlər çərçivəsində UNEC Kitabxana-İnformasiya Mərkəzinin fondunda olan kitabların virtual sərgisi təşkil edilib.
“Ümummilli lider Heydər Əliyev” adlı virtual sərgidə ulu öndərin həyat və fəaliyyəti, dövlətçilik siyasəti, Azərbaycanın inkişafı, beynəlxalq arenada tanınması istiqamətində gördüyü işlərdən bəhs edən Azərbaycan, ingilis, rus və türk dillərində nəşr olunan kitablar haqqında məlumatlar öz əksini tapıb.
