Azərbaycan Dövlət İqtisad Universiteti (UNEC) və Elsevier B.V. şirkətinin birgə təşkilatçılığı ilə texniki ixtisaslı kafedraların elmi-pedaqoji heyəti üçün “Scopus-elmi nəşrlərin axtarış üsulları” mövzusunda rus dilində vebinar keçirilib.
Vebinarda açar sözlərə görə Scopus bazasındakı məqalələrin axtarış üsulları və jurnalların metrik göstəricilərinə görə onların dəyərləndirilməsi izah olunub. Vebinarın sonunda iştirakçılara sertifikatlar təqdim edilib.
