Mühəndislik fakültəsində tələbələr üçün SƏTƏM mövzusunda seminar keçirilib

UNEC Ömürboyu Təhsil Mərkəzi, KVET və Mühəndislik fakültəsinin birgə təşkilatçılığı ilə tələbələr üçün SƏTƏM (Sağlamlıq, Əməyin təhlükəsizliyi və Ətraf mühitin mühafizəsi) mövzusunda maarifləndirici seminar keçirilib.

Tədbiri giriş sözü ilə açan Mühəndislik fakültəsinin dekanı, dosent Elçin Səmədov tələbələrin peşəkar inkişafında bu cür seminarların mühüm rol oynadığını vurğulayıb. O, ömürboyu təhsilin müasir dövrdə əhəmiyyətindən danışaraq, UNEC-də həyata keçirilən müxtəlif kurs proqramları və onların tələbələr üçün yaratdığı imkanlar barədə ətraflı məlumat verib.

Seminarda KVET nümayəndəsi Emin Ağayev SƏTƏM mövzusunda təqdimatla çıxış edib. O, iş yerlərində təhlükəsizlik standartlarının tətbiqi, risklərin düzgün qiymətləndirilməsi, istehsalat qəzalarının qarşısının alınması mexanizmləri və ekoloji məsuliyyət prinsipləri haqqında iştirakçıları məlumatlandırıb. Eyni zamanda, bu sahədə ixtisaslı mütəxəssislərə artan tələbat və mövcud karyera imkanları diqqətə çatdırılıb.

Sonda iştirakçılara sertifikatlar təqdim olunub.