Azərbaycan Dövlət İqtisad Universitetinin İqtisadiyyat və idarəetmə fakültəsində “Azərbaycanda kibertəhlükəsizlik və kibercinayətlərlə mübarizə” mövzusunda tədbir keçirilib.
Tədbirdə “İqtisadiyyat” kafedrasının baş müəllimi Elza Əhmədova çıxış edərək bildirib ki, Azərbaycanda rəqəmsal texnologiyaların sürətli inkişafı kibertəhlükəsizlik məsələlərini daha da актуal edib. Onun sözlərinə görə, internet üzərindən həyata keçirilən maliyyə əməliyyatları, dövlət xidmətləri və şəxsi məlumatların rəqəmsal platformalarda saxlanılması kibercinayət risklərini artırır.
Qeyd olunub ki, haker hücumları, fişinq halları, məlumat oğurluğu və zərərli proqram təminatları həm vətəndaşlar, həm də müxtəlif qurumlar üçün ciddi təhlükə yaradır. Bu səbəbdən kibercinayətlərlə mübarizə istiqamətində dövlət qurumları və hüquq-mühafizə orqanları tərəfindən mühüm tədbirlər həyata keçirilir.
Tədbirdə informasiya sistemlərinin qorunması, elektron xidmətlərin təhlükəsizliyinin təmin olunması və istifadəçilərin maarifləndirilməsinin vacibliyi vurğulanıb. Bildirilib ki, müasir antivirus proqramlarından istifadə, güclü parolların yaradılması və şəxsi məlumatların qorunması kibertəhlükəsizliyin əsas prinsiplərindəndir.
Eyni zamanda, cəmiyyət arasında rəqəmsal savadlılığın artırılmasının əhəmiyyətinə diqqət çəkilib. İnternetdən təhlükəsiz istifadə qaydalarının öyrənilməsi və tətbiqi kibercinayətlərin qarşısının alınmasına mühüm töhfə verir. Sonda qeyd olunub ki, texnologiyanın inkişafı ilə paralel olaraq kibertəhlükələrin də artdığı nəzərə alınaraq, kibertəhlükəsizlik sahəsinə xüsusi diqqətin yetirilməsi vacibdir.
