UNEC Yaradıcılıq Mərkəzinin Bədii-Qiraət Dərnəyinin və Rəqəmsal Könüllülər Təşkilatının birgə dəstəyi ilə “Poeziyanın müasir ruhu” adlı tədbir keçirilib.
Tədbiri giriş sözü ilə açan UNEC Yaradıcılıq Mərkəzinin direktoru Elman Cəfərov poeziyanın cəmiyyətdəki rolu və gənc nəsilin ədəbiyyata olan marağının önəmini qeyd edərək, tədbirə dəstək verən təşkilatlara və iştirakçılara təşəkkürünü bildirib.
Qonaq qismində Azərbaycan Yazıçılar Birliyinin üzvləri Elşən Mehdi, Pərviz Arif və Elvin Paşa iştirak ediblər. Onlar öz şeir dünyalarından parçalarla tədbirə rəng qataraq, iştirakçılara poeziyanın müxtəlif üslublarını təqdim ediblər.
Sonra Bədii-Qiraət Dərnəyinin tələbələri, o cümlədən Rəvan Əliyev, Hüseyn Şükürov, Rəfiqə Canıyeva, Şəbnəm Sadıqova və Turan Məmmədov tədbirdə şeirlərini səsləndiriblər. Musiqi hissəsində isə UNEC Yaradıcılıq Mərkəzinin solisti, müğənni Elxan İsgəndərov muğam ifa edib.
Sonda iştirakçılar xoş abu-hava ilə tədbirdən ayrılıblar.
