İqtisadiyyat və idarəetmə, eləcə də texniki və texnoloji ixtisaslar üzrə Azərbaycan Dövlət İqtisad Universitetini (UNEC) seçmək istəyən abituriyent və onların valideynlərinin ixtisas seçimi ilə bağlı suallarını cavablandırmaq üçün canlı yayım təşkil olunacaq.
UNEC-in rəsmi facebook, youtube və instagram səhifələrindən canlı yayımı həm izləmək, həm də birbaşa suallar ünvanlamaq mümkün olacaq.
9 sentyabr saat 10:00-da II ixtisas qrupuna aid iqtisadiyyat və idarəetmə ixtisaslarına aid müraciətləri UNEC-in Tədris və təlim texnologiyaları üzrə prorektoru dos.Anar Rzayev, Maliyyə və mühasibat fakültəsinin dekanı dos.Gəray Musayev, Beynəlxalq İqtisadiyyat Məktəbinin direktoru Aqil Əzizov və Beynəlxalq Əməkdaşlıq Departamentinin direktoru Sənnur Əliyev cavablandıracaqdır.
9 sentyabr saat 15:00-da isə I və V ixtisas qrupuna aid texniki və texnoloji ixtisaslarına aid müraciətləri isə UNEC-in Ekspertiza və standartlaşdırma fakültəsinin dekanı dos.Tofiq Osmanov, “Dizayn” kafedrasının müdiri dos.Lalə Məmmədova, “Fizika və kimya” kafedrasının müdiri prof. Rövnəq Rzayev cavablandıracaqdır.
İxtisas seçimi ilə bağlı ətraflı məlumat almaq və doğru seçim etmək üçün abituriyent və valideynləri canlı yayıma qoşulmağa və onları maraqlandıran sualları verməyə dəvət edirik.
![Abituriyentlərin nəzərinə! “UNEC Abituriyent Məsləhət Mərkəzi" yaradılıb](/images/unec_abituriyent.jpg "Abituriyentlərin nəzərinə! “UNEC Abituriyent Məsləhət Mərkəzi" yaradılıb")
