UNEC-in Beynəlxalq İqtisadiyyat Məktəbininin (ISE) “Biznesin idarə edilməsi” ixtisası üzrə I kurs tələbəsi Davud Şeydayev məzunu olduğu akademik Zərifə Əliyeva adına liseyin yuxarı sinif şagirdləri ilə görüşüb.
Görüşdə o, UNEC-də yaradılan müasir təhsil mühiti, beynəlxalq proqramlar, ikili diplom imkanları, tələbələrin şəxsi və peşəkar inkişafına yönəlmiş layihələr, eləcə də universitetin geniş karyera imkanları barədə məlumat verib. Davud Şeydayev UNEC-də qazandığı təcrübəni şagirdlərlə bölüşərək onları gələcək təhsil seçimində məqsədyönlü olmağa və universitetin təqdim etdiyi imkanlardan yararlanmağa çağırıb.
