“UNEC-də bir gün” layihəsi uğurla davam edir.
Bakı şəhərində yerləşən 142 saylı tam orta məktəbin yuxarı sinif şagirdləri Biznes və menecment fakültəsində bir günlük tələbə olublar. Şagirdlərə şərti tələbə biletləri təqdim edildikdən sonra onlara UNEC barədə ətraflı məlumat verilib. Məktəblilər universitetdə kollokvium imtahanlarını müşahidə ediblər, kitabxana, idman və akt zalları ilə tanış olublar. Bir günlük tələbələrə seçim etdikləri fənləri dinləmək imkanı da yaradılıb. Dərslərdən müsbət təəssüratlarla çıxan bir günlük tələbələr yenidən universitetə gələrək digər fənləri də dinləmək istədiklərini bildiribilər. Görüş zamanı şagirdlərin ixtisaslar, təqaüd və mübadilə proqramları, beynəlxalq əlaqələr barədə sualları cavablandırılıb.
“UNEC-də bir gün” layihəsində iştirak etmək istəyənlər 497-58-63 telefon nömrəsinə zəng edə, yaxud UNEC-in rəsmi Facebook səhifəsi ilə əlaqə saxlaya bilərlər.
![Yeni layihə: "UNEC alimlərindən kitab tövsiyələri"](/images/44.jpg "Yeni layihə: "UNEC alimlərindən kitab tövsiyələri"")
