Azərbaycan Dövlət İqtisad Universitetinin Beynəlxalq əməkdaşlıq departamentinin əməkdaşı, gənc doktorant və siyasi tədqiqatçı Nərgiz Hacıyeva CBC TV kanalında “Şuşa Bəyannaməsinin iqtisadi aspektlərini analitik təhlil edib.
N.Hacıyeva siyasi, regional, iqtisadi və təhlükəsizlik məsələlərini özündə ehtiva edən Bəyannamənin Azərbaycan-Türkiyə iqtisadi diplomatiyasının daha da gücləndirilməsi, iqtisadiyyatın müxtəlif sahələrinin şaxələndirilməsi, Zəngəzur dəhlizinin mühüm iqtisadi-ticari-tranzit potensialının artırılması, istehsalın genişləndirilməsi, malların sərbəst və şəffaf hərəkətinin təmin edilməsi mexanizmlərinin təmin edilməsi baxımından vacibliyindən danışıb.
Xatırladaq ki, Nərgiz Hacıyeva hazırda, Fəxri Federal təqaüdçü kimi İsveçrənin St. Gallen Universitetinin İqtisadiyyat və siyasi elmlər məktəbində “Qarabağın işğalı dönəmində qanunsuz idxal və ixrac həcmlərinin iqtisadi və hüquqi qiymətləndirilməsi” mövzusunda elmi tədqiqat aparır.
