Azərbaycan Dövlət iqtisad Universitetinin (UNEC) “İqtisadiyyat” kafedrasının müdiri, iqtisad üzrə fəlsəfə doktoru, dosent Suqra Hümbətova Macarıstanın Obuda Universitetinin Scopus bazasında indeksləşən Q1 kateqoriyalı “Acta Polytechnica Hungarica” beynəlxalq elmi jurnalının “Special Issue on Management Studies” xüsusi buraxılışında redaktorlar siyahısında yer alıb.
Qeyd edək ki, Suqra Hümbətovanın iqtisadiyyat sahəsində 100 elmi məqaləsinə, o cümlədən Web of Science və Scopus bazalarında indeksləşən 39 tədqiqat işinə dünyanın müxtəlif tədqiqatçıları və alimləri tərəfindən 564 istinad olunub.
Suqra Hümbətova 2024-cü ilin mart ayında UNEC-in Xanım Tədqiqatçılar Şurasının Obuda Universiteti ilə birgə elmi əməkdaşlığı çərçivəsində həmin universitetdə 1 ay müddətində “Macarıstan və Azərbaycan nümunəsində yaşıl iqtisadiyyatın təhlili” mövzusunda qonaq professor qismində tədqiqat aparıb.
