Azərbaycan Dövlət İqtisad Universitetinin (UNEC) müəllim heyəti Rusiya Federasiyasının Dağıstan Dövlət Universiteti (Dərbənd Filialı), Dagıstan Dövlət Texniki Universiteti və Dağıstan Dövlət Pedaqoji Universitetində təcrübə mübadiləsində olub.
“Tətbiqi iqtisadiyyat” kafedrasının dosenti Ramiz Cavadov, “İqtisadiyyat” kafedrasının dosenti Namiq Sadıqov və “Mühəndislik və tətbiqi elmlər” kafedrasının baş müəllimi Könül Rəhimova Dağıstan universitetlərinin tədris prosesləri ilə tanış olublar, həmçinin UNEC-in təcrübəsini həmkarları ilə bölüşüblər. Keçirilən görüşlərdə universitetlər arasında mümkün əməkdaşlıq istiqamətləri də müzakirə olunub.
