Minilliyin Layihəsinin Azərbaycan Bölməsi – Azərbaycan Futuroloqlar Cəmiyyətinin sədri Reyhan Hüseynova UNEC-də olub.
“Xarici dillər” kafedrasında keçirilən görüşdə təhsildə müasir tendensiyalar müzakirə olunub, UNEC-in son illərdə əldə etdiyi nailiyyətlərə diqqət çəkilib. Kafedra müdiri, professor Afət Abbasova UNEC müəllimlərinin tətbiq etdiyi yeni tədris metodikalarından söz açıb. Bildirib ki, bu metodikanın sayəsində mübadilə proqramında iştirak edən tələbələr hər hansı dil baryeri ilə qarşılaşmırlar.
A.Abbasova UNEC-in innovativ universitet olduğunu vurğulayaraq, kafedranın daima müasir pedaqoji fəaliyyət texnikalarını izlədiyini bildirib.İqtisad Universitetinin ölkədə dörd dildə təhsil verən yeganə universitet olduğu vurğulanan görüşdə R.Hüseynova UNEC-müəllimlərinin güclü potensialı olduğunu qeyd edib. Bildirib ki, UNEC müəllimlərinin simasında modern Azərbaycan müəlliminin obrazını görür.
Sonda AFC-nin imtahanlarından uğurla keçən “Xarici dillər” kafedrasının 6 müəlliminə fransız dilinin tədrisinə icazə verən beynəlxalq sertifikat təqdim edilib.
!["Bu tarixi zəfər müasir Azərbaycan tarixinin ən parlaq səhifələrindən biridir"](/images/Avaz_Alekberov_modernaz_041124.gif ""Bu tarixi zəfər müasir Azərbaycan tarixinin ən parlaq səhifələrindən biridir"")
![Tələbə və məzunların diqqətinə: "Trade Group LLC" şirkəti vakansiya elan edir!](/images/Trade-Group-LLC_201124.gif "Tələbə və məzunların diqqətinə: "Trade Group LLC" şirkəti vakansiya elan edir!")
