UNEC-in Beynəlxalq əməkdaşlıq departamentinin əməkdaşı, gənc doktorant Nərgiz Hacıyeva İsveçrənin nüfuzlu St. Gallen Universitetində təşkil olunmuş Beynəlxalq Ölkələr Sərgisində Azərbaycanı və UNEC-i təmsil edib.
Dünyanın 30-dan çox ölkəsinin təmsil olunduğu sərgidə Azərbaycanın mədəniyyətini, tarixini əks etdirən kitablar, eləcə də milli atributlarımız nümayiş olunub. Azərbaycan stendinə baxış keçirən beynəlxalq tələbələrə və xarici qonaqlara milli musiqimiz, mətbəximiz, adət-ənənələr, tarixi abidələr, Qarabağ mədəniyyəti, xalçaları və s. barədə ətraflı məlumat verilib.
