Türkiyənin Tokatqaziosmanpaşa Universitetinin professor Seyit İbrahim Yilmaz Erasmus+ mübadilə proqramı çərçivəsində UNEC-də təcrübə mübadiləsində olub.
15-19 iyul tarixlərində UNEC-də olan türkiyəli professorla səfərin ilk günündə Beynəlxalq əməkdaşlıq departametində görüş keçirilib. Ona UNEC-in tədris prosesi, mövcud olan proqramlar, elmi fəaliyyət barədə məlumat verilib.
Təcrübə müddətində Seyit İ.Yılmaz UNEC Ekstern mərkəzi, Tədqiqat mərkəzləri, imtahan zalları, UNEC Muzeyi, kitabxana və oxu zallarının fəaliyyəti ilə də yaxından tanış olub.
