“Həftənin kitabı” bu buraxılışında “BirgəKod - Azərbaycanda biznes mədəniyyəti” kitabını təqdim edir.
Kitab Azərbaycan Respublikası Kiçik və Orta Biznesin İnkişafı Agentliyi və Paşa Holding-in dəstəyi ilə KOB-lar üçün İnsan İnkişafı Forumu və Platforması layihələri çərçivəsində Milli Təhsil Texnologiyaları Mərkəzi və İnkişaf Korporasiyası birgə işçi qrupu tərəfindən hazırlanıb. Layihənin koordonatoru Azərbaycan Universiteti, “Sosial işin təşkili” kafedrasının müdiri, MTTM-in sədri Nigar Şahhüseynbəyovadır.
Biznes üçün “Birgə Kod”un 8 dəyəri və onları formalaşdıran 70 kompetensiyadan 35-ni izah edən bu kitab Azərbaycanda inkişaf edən biznes mədəniyyətinə töhfə verən bilik, bacarıq, düşüncə tərzi və keyfiyyətlərlə bağlı məlumatları ehtiva edir. Kitabda hər bir başlıqda bir kompetensiya izah edilir, həmin kompetensiya haqqında yanlış təsəvvürlər aydınlaşdırılır, biznesdəki əhəmiyyəti vurğulanır, əsas komponentləri təsvir edilir və inkişaf üçün addımlar təqdim edilir.
Kitab Azərbaycanın tarixinə, dininə, ədəbiyyatına, fi lmlərinə, nağıllarına olan istinadlarla zəngindir və bu da kompetensiyaların millətimizin mədəni quruluşunda köklərinin aydınlaşdırılmasını təmin edir. Biznes dünyasında baş vermiş hadisələr və onların təhlilləri kompetensiyanın önəmi haqqında praktiki təsəvvürlər yaradır, hər bir fəslin sonundakı tapşırıqlar isə oxucunu materialla fəal şəkildə məşğul olmağa və real həyatda tətbiqə təşviq edir
424 səhifəlik “BirgəKod - Azərbaycanda biznes mədəniyyəti” kitabı 2025-ci ildə “AVE Print” nəşriyyatında çapdan çıxıb. Oxucu-istifadəçilər dərsliklə UNEC KİM-in 24/7 və digər kitabxanalarında yaxından tanış ola bilərlər.
