“Nizami elə böyük dühadır ki...”

UNEC 24/7 Kitabxanası, Azərbaycan Gənclik Platforması (AGP) və "Xarıbülbül Akademiyası"nın birgə təşkilatçılığı, UNEC-in Zaqatala filialının İqtisadçı Vətənpərvərlər Təşkilatının dəstəyi ilə "Nizami ili" çərçivəsində "Nizami elə böyük dühadır ki..." elmi vebinarı keçirilib.

Tədbirdə AGP-nin sədri Fariz Vəliyev Azərbaycanın görkəmli mütəfəkkiri Nizami Gəncəvinin dünya mədəniyyətinə verdiyi töhfələrdən danışıb.

UNEC 24/7 Kitabxanasının müdiri Arzu Məmmədova isə Nizami yaradıcılığının təbliğində kitabxanaların rolundan danışıb, ədibin əsərlərinin aktual, bəşəri və ölməz olduğunu vurğulayıb.

Tədbirdə BDU-nun dosentləri Lalə Əliyeva “Mədəniyyət elçiləri - Nizami”, Sevinc Qocayeva “Nizaminin insan konsepsiyası”, Məhəmməd Məmmədov  “Nizami və xalq yaradıcılığı” mövzularında çıxış ediblər. UNEC İqtisadcı Vətənpərvərlər Təşkilatının Zaqatala filialının sədri Əli Əhmədzadə Nizaminin gənclərə nəsihətinə həsr edilən mövzulara toxunub.